(රොයිටර්)
සෞදි අරාබියේ රියාද් අගනුවර ඉලක්ක කරගනිමින් එල්ල වූ බැලැස්ටික් මිසයිලයක් සාර්ථකව විනාශ කළ බව එරට ආරක්ෂක අංශ පවසයි.
යේමනයේ හූති සටන්කාමීන් මෙම බැලැස්ටික් මිසයිලය එල්ල කර තිබෙන අතර මේ හේතුවෙන් ඉරානය සහ සෞදි අරාබිය අතර යුද්ධය වුවද ඇති වීමට ඉඩකඩ තිබූ බව සෞදිය ප්රමුඛ ඒකාබද්ධ හමුදා ප්රකාශ කරයි.
තමන්ගේ ඉලක්කය වූයේ සෞදියේ රාජකීය අධිකරණය හෙවත් රාජ්ය පාලන මාලිගය වන අල් යමාමා මාලිගය යැයි ද ඉරානයේ සහාය ලබන හූති සංවිධානයේ ප්රකාශකයෙක් පැවැසීය.
බැලැස්ටික් මිසයිලය එල්ල වන අවස්ථාවේදී සෞදි නායකයන් මාලිගය තුළ රැස්වීමට සහභාගී වීමකට සහභාගී වෙමින් සිටි බවට ද තොරතුරු වාර්තා වූ නමුත් සෞදි අරාබිය එවැන්නක් තහවුරු මෙතෙක් තහවුරු කර නැත.
ඉරානයේ සහාය ලබන හූති සටන්කාමීන් සෞදි අරාබියේ අගනුවර ඉලක්ක කරගනිමින් බැලැස්ටික් මිසයිල ප්රහාරයක් එල්ල කළ බවත් එය සාර්ථකව විනාශ කර දැමූ බවත් සෞදි අරාබි රාජධානියේ ජාත්යන්තර මධ්යස්ථානය සිට ට්විටර් ගිණුමේ පණිවිඩයක් තබමින් සඳහන් කර තිබේ.
එමෙන්ම මෙම සිදුවීමෙන් කිසිවකුටත් හානි සිදු වූ බවක් වාර්තා වී නැතැයි ද තවත් ට්විටර් පණිවිඩයක් තබමින් සෞදි රජයේ පාලනයේ යටතේ තිබෙන එම මධ්යස්ථානය සඳහන් කර තිබේ.
